Հայաստանում աճել են տնտեսական գործունէութեան դէմ ուղղուած
յանցագործութիւնները
05-03-2010 16:40:00 | Հայաստան | Հասարակութիւն
ԵՐԵՎԱՆ, 5 ՄԱՐՏԻ, ՆՈՅԵԱՆ ՏԱՊԱՆ: 2009թ.-ին Հայաստանում
արձանագրուել են կոռուպցիոն բնոյթի 550 հանցագործութիւններ`
2007թ.-ի 171 եւ 2008թ.-ի 392-ի դիմաց: Ինչպէս լրագրողների հետ
մարտի 5-ի հանդիպմանը նշեց Հայաստանի ոստիկանութեան կազմակերպուած
յանցաւորութեան դէմ պայքարի գլխաւոր վարչութեան պետ Յունան
Պողոսեանը, կաշառակերութեան արձանագրուած դէպքերը 2007թ.-ի 7 եւ
2008թ.-ի 63 դէպքի դիմաց հաշուետու ժամանակահատուածում կազմել են 56
դէպք:
Նշուեց, որ աճել է տնտեսական գործունէութեան դէմ ուղղուած
հանցագործությունների թիւը. 2008թ.-ի 456 դէպքի դիմաց անցած տարի
դրանք 240 դէպքով կամ 52,6%-ով աճել են եւ կազմել 696 դէպք: Այդ
թւում 88-ը` ապօրինի կամ կեղծ ձեռնարկատիրութեան, 136-ը` կեղծ
փողեր, արժեթղթեր պատրաստելու եւ իրացնելու, 159-ը` գանձուող
հարկերի, տուրքերի կամ այլ պարտադիր վճարումներից խուսափելու,
72-ը` մաքսանենգութեան, 12-ը` ակցիզային դրոշմանիշների ապօրինի
շրջանառութեան դէպքեր են: