Հայաստանում աճել են տնտեսական գործունեության դեմ ուղղված
հանցագործությունները
05-03-2010 16:40:00 | Հայաստան | Հասարակություն
ԵՐԵՎԱՆ, 5 ՄԱՐՏԻ, ՆՈՅՅԱՆ ՏԱՊԱՆ: 2009թ.-ին Հայաստանում
արձանագրվել են կոռուպցիոն բնույթի 550 հանցագործություններ`
2007թ.-ի 171 եւ 2008թ.-ի 392-ի դիմաց: Ինչպես լրագրողների հետ
մարտի 5-ի հանդիպմանը նշեց Հայաստանի ոստիկանության կազմակերպված
հանցավորության դեմ պայքարի գլխավոր վարչության պետ Հունան
Պողոսյանը, կաշառակերության արձանագրված դեպքերը 2007թ.-ի 7 եւ
2008թ.-ի 63 դեպքի դիմաց հաշվետու ժամանակահատվածում կազմել են 56
դեպք:
Նշվեց, որ աճել է տնտեսական գործունեության դեմ ուղղված
հանցագործությունների թիվը. 2008թ.-ի 456 դեպքի դիմաց անցած տարի
դրանք 240 դեպքով կամ 52,6%-ով աճել են եւ կազմել 696 դեպք: Այդ
թվում 88-ը` ապօրինի կամ կեղծ ձեռնարկատիրության, 136-ը` կեղծ
փողեր, արժեթղթեր պատրաստելու եւ իրացնելու, 159-ը` գանձվող
հարկերի, տուրքերի կամ այլ պարտադիր վճարումներից խուսափելու,
72-ը` մաքսանենգության, 12-ը` ակցիզային դրոշմանիշների ապօրինի
շրջանառության դեպքեր են: