Հայաստանի արտգործնախարարությունում տեղի են ունեցել
հայ-չեխական քաղաքական խորհրդակցութիւններ
10-11-2009 16:16:00 | Հայաստան | Քաղաքական
ԵՐԵՎԱՆ, 10 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Հայաստանի ԱԳՆ-ում
նոյեմբերի 9-ին կայացել են հայ-չեխական քաղաքական
խորհրդակցութիւններ` արտաքին գերատեսչութիւնների վարչութեան
պետերի մակարդակով:
Կողմերը քննարկել են քաղաքական երկխոսությանը, առեւտրային
կապերի եւ ներդրումների խրախուսմանը, միջազգային
կազմակերպություններում երկկողմ համագործակցութեանը,
տարածաշրջանային անվտանգութեան խնդիրներին, ինչպէս նաեւ
Հայաստան-ԵՄ յարաբերութիւններին առնչուող հարցերի լայն շրջանակ:
Գոհունակութեամբ նշուվել է երկկողմ քաղաքական շփումների ներկայ
մակարդակը եւ դրանք հետեւողականօրէն զարգացնելու
անհրաժեշտութիւնը: Կողմերը համաձայնել են ընդլայնել երկկողմ
իրավապայմանագրային դաշտը, նպաստել երկու երկրների միջեւ գործարար
կապերի զարգացմանը, շարունակել համագործակցութիւնը ԵՄ Արեւելյան
գործընկերութեան շրջանակներում:
Ըստ ՀՀ ԱԳՆ Մամուլի եւ տեղեկատուութեան վարչութեան
հաղորդագրութեան, նոյն օրը չեխական պատուիրակութեանն ընդունել է ՀՀ
արտգործնախարարի տեղակալ Կարինէ Ղազինեանը: Հանդիպմանը մտքեր են
փոխանակուել ԵՄ Արեւելյան գործընկերութեան շրջանակներում
փոխգործակցութեան վերաբերեալ, նշուվել է մարդկային շփումների
խրախուսման կարեւորութիւնն ինչպէս երկկողմ, այնպէս էլ բազմակողմ
ձեւաչափերում:
Չեխական կողմի խնդրանքով ներկայացուել են հայ-թուրքական
յարաբերութիւնների կարգաւորման գործընթացի զարգացումները: