Հայաստանի 2010թ.-ի բիւջէի նախագիծը անընդունելի եւ
անհեռանկարային է,- հայատարարում է «Ժառանգութիւնը»
13-11-2009 21:04:00 | Հայաստան | Քաղաքական
ԵՐԵՎԱՆ, 13 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Հայաստանի 2010թ.-ի
բիւջէի նախագիծը անընդունելի եւ անհեռանկարային է, քանի որ այն
միտուած չէ հակաճգնաժամային քաղաքականութեան իրականացմանը: Այս
մասին նշուած է «Ժառանգութիւն» կուսակցութեան խորհրդարանական
խմբակցութեան նոյեմբերի 13-ի յայտարարութիւնում:
Ըստ «Ժառանգութեան», ՀՀ 2010թ.-ի դեֆոլտային պետական
բիւջէում գերակշռում են պետական պարտքի բեռը, հանքագործական
արդիւնաբերութեան արտադրութեան եւ տնտեսութեան
ենթակառուցվածքներում շինարարութեան եւ սպասարկման ոլորտի
ծաւալների գերակայութիւնը: Այն սպասարկում է չինովնիկներին,
օլիգա-մենաշնորհային արատաւոր համակարգին եւ արտայայտում է
իշխանութիւնների անկարողութիւնը` ստուերային տնտեսութիւնը եւ
յատկապէս խոշոր բիզնեսը հարկման դաշտ բերելու, չի նպաստում
Հայաստանի Հանրապետութեան տնտեսութեան ճիւղերի զարգացմանը,
մասնաւորապէս` արդիւնաբերութեան, ՓՄՁ-ի եւ ագրարային հատուածի,
ինչպէս նաեւ գիւղմթերքների իրացման եւ վերամշակման ոլորտների
գործունէութեան արդիւնաւէտութեան բարձրացմանը, ինչ անհնարին է
դարձնում դիֆերսիֆիկացված արտադրութեան զարգացումը:
Նշելով, որ 2010թ.-ի պետբիւջէի դեֆիցիտը 4,5 անգամ
գերազանցում է նախորդ տարուայ ցուցանիշը, «Ժառանգութիւնը» գտնում է,
որ այն անկարող է ապահովել երկրի բնակչութեան սոցիալական
հիմնախնդիրների լուծումը, աղքատների եւ խոցելի խմբերի
կենսամակարդակի բարելաւումը:
«Ժառանգութիւն» խմբակցութիւնը խորապէս անհանգստացած է
կառավարութեան կողմից ներկայացուած 2010 թուականի պետական բիւջէի
բացասական եւ անկումային բնոյթով եւ Հայաստանի Հանրապետութեան
առջեւ ծառացած մարտահրավերների լուծման իշխանութիւնների
դիմակայելու անունակությամբ»,- ասուած է «Ժառանգութեան»
յայտարարութիւնում: