Հայաստանի զբօսաշրջութեան ոլորտը ՏՏ գործիքների կիրառման
տեսանկիւնից բաւականաչափ զարգացած չէ
14-04-2009 16:24:00 | Հայաստան | Տնտեսութիւն
ԵՐԵՎԱՆ, 14 ԱՊՐԻԼԻ, ՆՈՅԵԱՆ ՏԱՊԱՆ: ԱՄՆ ՄԶԳ ֆինանսավորմամբ
իրականացyող «Մրցունակ մասնաւոր հատուած Հայաստանում» (CAPS) ծրագրի
նախաձեռնութեամբ Երեւանում անցկացուեց «Տեղեկատվակական
տեխնոլոգիաների (ՏՏ) կիրառման խթանում զբօսաշրջութեան ոլորտում»
թեմայով սեմինար: Ինչպէս նշեց CAPS ծրագրի փոխտնօրեն Արտակ
Ղազարեանը, միջոցառման նպատակն է բարձրացնել զբօսաշրջութեան
ոլորտում կիրառուող ՏՏ նոր ապրանքների ու ծառայութիւնների մասին
իրազեկուածութեան մակարդակը: Ըստ նրա, դա կնպաստի երկու ոլորտների
միջեւ համագործակցութեան զարգացմանը: «Այսօր զբօսաշրջութեան
բնագաւառում ՏՏ լուծումները մեծ կիրառություն են գտել ողջ
աշխարհում: Որպէս օրինակ կարելի է նշել աւիատոմսերի առցանց
առեւտուրը եւ ուղեւորների հաշուառումը ավիաբիզնեսում, մեքենաների
գրանցման համակարգերը մեքենաների վարձակալմամբ զբաղուող
բիզնեսներում, սենեակների պատվիրումը, կառավարումը հիւրանոցային
բիզնեսում եւ այլն»,- ասաց Ա.Ղազարեանը: Ըստ նրա, առցանց շուկան
զբօսաշրջութեան ոլորտում կազմում է 125 մլրդ դոլար, իսկ առաջիկայ 5
տարիների ընթացքում այն կաճի եւս 100 մլրդ դոլարով:
Սակայն, Ա.Ղազարեանի կարծիքով, Հայաստանի զբօսաշրջութեան
ոլորտի ընկերութիւնները բաւականաչափ զարգացած չեն իրենց առօրեայ
աշխատանքներում ՏՏ գործիքների կիրառման տեսանկիւնից: Ըստ նրա,
համակարգիչների օգտագործման առումով Հայաստանում առաջիկայում լուրջ
զարգացումներ են սպասւում: «ՏՏ հայեցակարգի համաձայն,
կառավարութիւնը նախատեսում է հանրապետութիւնում համակարգիչ
օգտագործողների թիւը առաջիկայ 9-10 տարիների ընթացքում հասցնել մօտ
70%-ի, կրթական հաստատութիւններում` մօտ 90%-ի, իսկ պետական եւ
տեղական ինքնակառավարման մարմիններում` 100%-ի: Իսկ դա նշանակում է
որ զբօսաշրջութեան բնագաւառում առցանց լուծոււմների պահանջարկը
բաւականին մեծանալու է»,- նկատեց Ա.Ղազարեանը: Նա նշեց նաեւ, որ
Միջազգային հեռահաղորդակցության միութեան տուեալներով, Հայաստանում
ինտերնետ օգտագործողների թիւը 2008թ.-ին կազմել է 6%:
CAPS ծրագրի զբօսաշրջութեան բնագաւառում ՏՏ լուծումների
կիրառման միջազգային փորձագէտ Զախարի Ռոզգանի խօսքերով,
համաշխարհային զբօսաշրջութեան բնագաւառում աճող ՏՏ ազդեցութեան եւ
տնտեսական ճգնաժամի հետեւանքով 2009թ.-ին սպասւող զբոսաշրջային
այցելութիւնների կրճատման պայմաններում տեխնալոգիապես զարգացած
լինելը եւ ծախսերի արդիւնաւէտութեան ապահովումը այժմ աւելի քան
կարեւոր է: