«Ցեղասպանութիւն առանց մեկնաբանութեան» ֆիլմում օգտագործուել
են Գերմանիայի արտգործնախարարութեան արխիւային փաստաթղթերը
15-01-2009 17:40:00 | Հայաստան | Հասարակութիւն
ԵՐԵՎԱՆ, 15 ՅՈՒՆՎԱՐԻ, ՆՈՅԵԱՆ ՏԱՊԱՆ: «Էրեբունի պլազա»
բիզնես-կենտրոնում ՀՀ Սփիւռքի նախարարութեան աշխատակազմի համար
յունվարի 14-ին ցուցադրվել է «Ցեղասպանութիւն առանց
մեկնաբանութեան» ֆիլմը, որն ամբողջութեամբ հիմնուած է
փաստավավերագրական նիւթերի վրայ: Ֆիլմի սցենարի հեղինակն է Վարդան
Պապը, ռեժիսոր եւ պրոդյուսերը` Ալեքսանդր Սարդուրին:
Ըստ ռեժիսորի, ֆիլմի նկարահանման առիթ է հանդիսացել
Գերմանիայում հնչած այն մեղադրանքը, որը վերաբերում էր հայերի
կողմից Հայոց ցեղասպանութեան ոչ օբյեկտիվ ներկայացնելուն:
Ինչպէս «ՆՈՅԵԱՆ ՏԱՊԱՆ»-ին յայտնեցին ՀՀ Սփիւռքի
նախարարութեան Մամուլի եւ հասարակայնութեան հետ կապերի
վարչութիւնից, ֆիլմում օգտագործուել են Գերմանիայի արտաքին գործերի
նախարարութեան արխիւային փաստաթղթերը: Ֆիլմում գլխաւոր դեր էր
կատարում լրագրող, ազգութեամբ գերմանացի Վոլֆգանգ Գուստը, ով
բաւական մեծ աշխատանք է կատարել գերմանական արխիւներում` Հայոց
ցեղասպանությանը վերաբերող նիւթերի յայտնաբերման եւ
ուսումնասիրման գործում: