ԵՐԵՎԱՆ, 15 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Ինտրակոմ Տելեկոմը, որ Սիտրոնիքս ընկերութեան մաս է, դեկտեմբերի 15-ին 24 միլիոն դոլարի պայմանագիր է կնքել Վիվասել ՄՏՍ-ի հետ, որի նպատակն է ընդլայնել Վիվասել ՄՏՍ-ի 2.5 G բջջային ցանցը: Համաձայն պայմանագրի, Ինտրակոմ տելեկոմը տրամադրելու է ենթակառուցվածքային, տեղադրման եւ ինտեգրման ծառայութիւնները, իսկ սարքավորումների հիմնական վաճառողը լինելու է Ալկատել Լուսենտը: Նախագիծը նախատեսուած է աւարտին հասցնել 2009 թ. առաջին եռամսյակի վերջում:

---