«Հազարամյակի մարտահրաւեր» կորպորացիան յետաձգել է Հայաստանին
6,8 միլիոն դոլար տրամադրելու հարցը
15-12-2008 20:00:00 | Հայաստան | Տնտեսութիւն
ԵՐԵՎԱՆ, 15 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Ինչպէս տեղեկացնում է
«Ազատութիւն» ռադիոկայանը, դեկտեմբերի 11-ին «Հազարամյակի
մարտահրաւեր» կորպորացիայի տնօրէնների խորհրդի նիստում
մտահոգութիւններ են արտայայտուել Հայաստանում ժողովրդավարական
կառավարման առնչութեամբ: Տնօրէնների խորհուրդն ընդգծել է. -
«Ակնկալում ենք, որ Հայաստանը կկատարի իր պարտաւորութիւնները,
իրական բարեփոխումներ կիրագործի»:
«Հազարամյակի մարտահրաւեր» կորպորացիայի տնօրէնների խորհուրդը
որոշել է, որ Հայաստանում գիւղական ճանապարհների վերականգնման եւ
ոռոգման ցանցի բարելաւման համար «Հազարամյակի մարտահրաւեր»
հիմնադրամին 6 միլիոն 811 հազար 305 դոլարի գումար յատկացնելու
հարցը կրկին քննութեան կառնուի 2009 թուականի մարտին:
Միաժամանակ ռադիոկայանը յիշեցնում է, որ դեկտեմբերի 10-ին
Հայաստանի վարչապետի ներկայութեամբ տեղի էր ունեցել «Հազարամյակի
մարտահրաւեր» հիմնադրամի խորհրդի նիստը, որի ժամանակ վաւերացուել էր
2009 թուականի առաջին եռամսյակում իրականացուելիք ծրագրերի համար
«Հազարամյակի մարտահրաւեր» կորպորացիային ներկայացւող 10-րդ
յատկացման յայտը: