Հայաստանի վարչապետին ներկայացուեց ԶՀԳ-ի գործունէութեան
վերաբերեալ FIAS-ի վերջնական զեկոյցը
08-12-2008 23:00:00 | Հայաստան | Տնտեսութիւն
ԵՐԵՎԱՆ, 8 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Հայաստանի վարչապետ
Տիգրան Սարգսեանը դեկտեմբեցի 8-ին ընդունել է Համաշխարհային բանկի
հայաստանեան գրասենեակի տնօրէն Արիստոմենե Վարուդակիսին,
Օտարերկրեայ ներդրումների խորհրդատուական ծառայութեան (FIAS) ղեկավար
Կարին Միլեթին, ՀԲ-ի ու FIAS-ի մասնագէտների:
Հանդիպմանը ներկայացուել է ՀԲ-ի առաջարկութեամբ FIAS-ի
իրականացրած ուսումնասիրությունների եւ գնահատման վերաբերեալ
վերջնական զեկոյցը, որը վերաբերում է Զարգացման հայկական
գործակալութեան (ԶՀԳ) գործունէութեանը եւ ինստիտուցիոնալ առումով
աշխատանքի արդիւնաւէտութեան բարձրացմանը, զարգացման յետագայ
քայլերին: ՀԲ-ն, որը հոլանդական դրամաշնորհի միջոցով ԶՀԳ-ի հետ
նոր` 2 մլն ԱՄՆ դոլար արժողութեամբ, տեխնիկական աջակցութեան ծրագիր
է սկսում, դրա մեկնարկից առաջ պատուիրելով նման աշխատանք կարեւորել
է ԶՀԳ-ի գործունէութեան արդիւնաւէտութեան բարձրացմանն ուղղուած
մասնագիտական խորհրդատւութիւնը:
Ըստ ՀՀ կառավարութեան Տեղեկատուութեան եւ հասարակայնութեան հետ
կապերի վարչութեան հաղորդագրութեան, Տ.Սարգսեանը շնորհակալութիւն
է յայտնել օգտակար աշխատանքի համար` ԶՀԳ-ի յետագայ գործունէութեան
բարելաւման տեսանկիւնից կարեւորելով ոսումնասիրության արդիւնքում
տրուած գնահատականները եւ խորհրդատւութիւնը: