Հայաստանի վարչապետին ներկայացվեց ԶՀԳ-ի գործունեության
վերաբերյալ FIAS-ի վերջնական զեկույցը
08-12-2008 23:00:00 | Հայաստան | Տնտեսություն
ԵՐԵՎԱՆ, 8 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Հայաստանի վարչապետ
Տիգրան Սարգսյանը դեկտեմբեցի 8-ին ընդունել է Համաշխարհային բանկի
հայաստանյան գրասենյակի տնօրեն Արիստոմենե Վարուդակիսին,
Օտարերկրյա ներդրումների խորհրդատվական ծառայության (FIAS) ղեկավար
Կարին Միլեթին, ՀԲ-ի ու FIAS-ի մասնագետների:
Հանդիպմանը ներկայացվել է ՀԲ-ի առաջարկությամբ FIAS-ի
իրականացրած ուսումնասիրությունների եւ գնահատման վերաբերյալ
վերջնական զեկույցը, որը վերաբերում է Զարգացման հայկական
գործակալության (ԶՀԳ) գործունեությանը եւ ինստիտուցիոնալ առումով
աշխատանքի արդյունավետության բարձրացմանը, զարգացման հետագա
քայլերին: ՀԲ-ն, որը հոլանդական դրամաշնորհի միջոցով ԶՀԳ-ի հետ
նոր` 2 մլն ԱՄՆ դոլար արժողությամբ, տեխնիկական աջակցության ծրագիր
է սկսում, դրա մեկնարկից առաջ պատվիրելով նման աշխատանք կարեւորել
է ԶՀԳ-ի գործունեության արդյունավետության բարձրացմանն ուղղված
մասնագիտական խորհրդատվությունը:
Ըստ ՀՀ կառավարության Տեղեկատվության եւ հասարակայնության հետ
կապերի վարչության հաղորդագրության, Տ.Սարգսյանը շնորհակալություն
է հայտնել օգտակար աշխատանքի համար` ԶՀԳ-ի հետագա գործունեության
բարելավման տեսանկյունից կարեւորելով ոսումնասիրության արդյունքում
տրված գնահատականները եւ խորհրդատվությունը: