ԿԺԴՀ-ին առնչուող ՄԱԿ ԱԽ-ի խորհրդակցութիւնն աւարտուել է
անարդիւնք
06-04-2009 17:29:00 | ԱՄՆ | Միջազգային
ՆՅՈՒ ԵՈՐՔ, 6 ԱՊՐԻԼԻ, ՆՈՅԵԱՆ ՏԱՊԱՆ: Նյու Յորքում աւարտուել է
ՄԱԿ-ի Անվտանգութեան խորհրդի արտահերթ խորհրդակցութիւնը
Հիւսիսային Կորեայի կողմից հրթիռի արձակման հետ կապուած
իրադրութեան առնչութեամբ:
ԱԽ-ի մշտական հնգյակի` ԱՄՆ-ի, Չինաստանի, Մեծ Բրիտանիայի,
Ֆրանսիայի եւ Ռուսաստանի ներկայացուցիչները եւ ՄԱԿ-ին առընթեր
Ճապոնիայի մշտական ներկայացուցիչը քննարկել են հիւսիսկորեական
հրթիռի արձակման հարցը, սակայն առայժմ չի յաջողուել համաձայնութեան
գալ:
Տոկիոն եւ Վաշինգտոնը պահանջում են միահամուռ դատապարտել
հրթիռի արձակումը: Մոսկուան համոզուած է, որ անհրաժեշտ է աւելի
զգուշաւոր եւ կշռադատուած մօտեցում: Փհենյանը պնդում է, որ ուղեծիր
է դուրս բերել կապի արբանեակ: Սակայն, ԱՄՆ-ի, Ճապոնիայի եւ
Հարաւային Կորեայի տուեալներով, սարքը տիեզերք չի հասել, այն ընկել
է Խաղաղ օվկիանոսը:
Ճապոնիան արդէն մշակել է նոր բանաձեւի նախագիծ: Այն խստացնում
է արդէն ձեռնարկուած պատժամիջոցները Հիւսիսային Կորեայի նկատմամբ:
Սակայն որոշ դիւանագէտների կարծիքով, փաստաթղթի մշակումը, որը
կբավարարեր Խորհրդի բոլոր անդամներին, առնուազն մէկ շաբաթ կտեւի: