ԱՄՆ-ի պետդեպարտամենտ. Չեխիայի հետ ՀՀՊ վերաբերեալ
համաձայնագիրը մնում է ուժի մէջ
26-03-2009 16:40:00 | ԱՄՆ | Միջազգային
ՎԱՇԻՆԳՏՈՆ, 26 ՄԱՐՏԻ, ՆՈՅԵԱՆ ՏԱՊԱՆ: Չնայած Միրեկ Տոպոլանեկի
գլխաւորած չեխական կառավարութեան հրաժարականին, Վաշինգտոնը
կշարունակի աշխատանքը Չեխիայի հետ այդ երկրի տարածքում ամերիկեան
ՀՀՊ տարրեր տեղակայելու ուղղութեամբ:
«ԱՄՆ-ը Չեխիայում ՀՀՊ օբյեկտների տեղակայման մասին
համաձայնագիր է կնքել ոչ թէ հրաժարական տուած կառավարութեան, այլ
չեխական պետութեան հետ, ուստի բոլոր համաձայնագրերն ուժի մէջ են
մնում»,- յայտարարել է ԱՄՆ-ի պետդեպարտամենտի մամլոյ քարտուղարի
տեղակալի պաշտօնակատար Գորդոն Դուգուդը:
Ամերիկացի դիւանագէտը ընդգծել է, որ Չեխիայում ՀՀՊ օբյեկտների
տեղակայման հետ կապուած աշխատանքը շարունակուելու է: