ՎԱՇԻՆԳՏՈՆ, 26 ՄԱՐՏԻ, ՆՈՅՅԱՆ ՏԱՊԱՆ: Չնայած Միրեկ Տոպոլանեկի գլխավորած չեխական կառավարության հրաժարականին, Վաշինգտոնը կշարունակի աշխատանքը Չեխիայի հետ այդ երկրի տարածքում ամերիկյան ՀՀՊ տարրեր տեղակայելու ուղղությամբ: «ԱՄՆ-ը Չեխիայում ՀՀՊ օբյեկտների տեղակայման մասին համաձայնագիր է կնքել ոչ թե հրաժարական տված կառավարության, այլ չեխական պետության հետ, ուստի բոլոր համաձայնագրերն ուժի մեջ են մնում»,- հայտարարել է ԱՄՆ-ի պետդեպարտամենտի մամլո քարտուղարի տեղակալի պաշտոնակատար Գորդոն Դուգուդը: Ամերիկացի դիվանագետը ընդգծել է, որ Չեխիայում ՀՀՊ օբյեկտների տեղակայման հետ կապված աշխատանքը շարունակվելու է:

---