Կարմիր խաչը ԿՀՎ-ին մեղադրել է բանտարկեալներին խոշտանգելու
մէջ
17-03-2009 15:55:00 | | Միջազգային
ԺՆԵՎ, 17 ՄԱՐՏԻ, ՆՈՅԵԱՆ ՏԱՊԱՆ: Կարմիր խաչի միջազգային
կոմիտէն (ԿԽՄԿ) հրապարակել է զեկոյց, որտեղ տվյալներ կան, որ
ԿՀՎ-ն կտտանքներ է կիրառել «Ալ-Քաիդայի» հետ կապերի մէջ
կասկածուողներին հարցաքննելու ընթացքում: Այս մասին հաղորդում է
BBC-ն:
Ստացուած արդիւնքները հիմնուած են 14 «առանձնապէս վտանգաւոր»
բանտարկեալների ցուցմունքներում, որոնք պահւում են ԿՀՎ-ի գաղտնի
բանտերում: Նրանք դրա մասին պատմել են այն բանից յետոյ, երբ 2006
թուականին փոխադրուել են Գուանտանամոյի բանտ: Մինչ այդ ցանկացած
շփում բանտարկեալների հետ արգելուած է եղել:
Կարմիր խաչի միջազգային կոմիտէն ուսումնասիրում է այն
պայմանները, որոնցում պահւում են բանտարկեալները ողջ աշխարհում, եւ
փորձում է այդ առումով ներգործել երկրների կառավարությունների վրայ,
նրանց յիշեցնելով Ժնեւի կոնվենցիայով ստանձնած իրենց
պարտաւորութիւնները:
Նրանց թւում, ովքեր ցուցմունքներ են տուել Կարմիր խաչին, եղել
է Հալիդ Շեյխ Մոհամմեդը, որը մեղադրուել է սեպտեմբերի 11-ին Նյու
Եորքի Առեւտրի միջազգային կենտրոնի շէնքի վրայ յարձակումների
կազմակերպման մէջ: