Ամազոնեան մարդակերները կերել են 19-ամեայ ագարակապանին
10-02-2009 16:57:00 | | Միջազգային
ԲՐԱԶԻԼԻԱ, 10 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Ամազոնեան Կուլինա ցեղի
հինգ անդամներ գտնւում են փախուստի մէջ այն բանից յետոյ, երբ նրանց
մեղադրել են 19-ամեայ ագարակապանի սպանութեան, մասնատման եւ ուտելու
մէջ: Դա եղել է կաննիբալիզմի (մարդակերության) ծիսական
արարողութիւն:
Այդ դէպքի մասին CNN-ին պատմել են Պերուի սահմանին գտնուող
բրազիլական Էնվիրա ամազոնեան գիւղի իշխանութիւնները:
Բրազիլական օրէնքների համաձայն, ռազմական կամ քաղաքացիական
ոստիկանութեանը չի թոյլատրւում մտնել հնդկացիների հողերը:
Ըստ տեղական մարմինների ներկայացուցիչների, ագարակապանը եւ
այդ ցեղի ներկայացուցիչները լաւ իմացել են միմեանց: Սակայն այս
անգամ հնդկացիները ագարակապանին հրաւիրել են իրենց մօտ: Նրան
դրանից յետոյ այլեւս ոչ ոք չի տեսել:
Երիտասարդի հարազատները սկսել են նրան փնտրել անհետացումից
երեք օր յետոյ միայն: Նրանց աչքի առաջ յայտնուել է գիւղում կախուած
նրա քառատված մարմնի եւ գանգի ահաւոր պատկերը: