ՄՈՍԿՈՒԱ, 16 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Ռուսական «Գազպրոմ»
ԲԲԸ-ն պատրաստ է գնային զիջումներ անել Ուկրաինային այն դէպքում,
եթէ Կիեւը թոյլ տայ ռուսական մենաշնորհային ընկերութեանը
մեծացնելու իր անմիջական ներկայութիւնը ներքին ուկրաինական
շուկայում: Այս մասին հաղորդում է «Ռոյթերը»` վկայակոչելով «Դելո»
թերթը:
Աւելի վաղ «Գազպրոմի» նախագահի տեղակալ Ալեքսանդր Մեդվեդեւը
յայտարարել էր, որ ռուսական ընկերութիւնը «Նաֆտոգազին»
առաջարկութիւն է արել, որը թոյլ կտայ լուծել Ուկրաինայի ընթացիկ
պարտքերի հետ կապուած հակամարտութիւնը եւ նոր համաձայնագիր
ստորագրել 2009 թուականի մատակարարումների վերաբերեալ:
«Գազպրոմի» տուեալներով, Ուկրաինան սեպտեմբեր-նոյեմբերի
գազամատակարարումների համար պարտք է 2,4 մլրդ դոլար: