ՄԱԿ-ի Գլխաւոր վեհաժողովի ղեկավարին սպառնում են սպանել
16-12-2008 16:44:00 | ԱՄՆ | Միջազգային
ՆՅՈՒ ԵՈՐՔ, 16 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: ՄԱԿ-ի անվտանգութեան
ծառայութիւնը ԱՄՆ-ի իրավապահ մարմինների հետ համատեղ հետաքննում
են ՄԱԿ-ի Գլխաւոր վեհաժողովի նախագահ Միգել դ'Էսկոտո Բրոկմանի դէմ
ուղղուած մահուան սպառնալիքները, որ նա ստացել է ինտերնետով: Այս
մասին յայտնել է Գլխաւոր վեհաժողովի նախագահի պաշտօնական
ներկայացուցիչ Էնրիկե Յեվեսը:
«Շատ լուրջ սպառնալիքներ են յայտնուել ինտերնետում Գլխաւոր
վեհաժողովի նախագահի կեանքի դէմ»,- ասել է Յեվեսը` աւելացնելով, որ
ՄԱԿ-ի անվտանգութեան ծառայութիւնը աջակցութեան համար դիմել է
ԱՄՆ-ի իշխանութիւններին այդ փաստերը հետաքննելու նպատակով:
Կանխավ մամուլում շրջանառւում էին լուրեր, թէ դ'Էսկոտոյին
սպառնացել են իր հակաիսրայելյան դիրքորոշման առնչութեամբ, սակայն
Յեվեսը դա չի հաստատել:
Գլխաւոր վեհաժողովի նախագահը նաեւ յայտնի է իր հակաամերիկյան
հայեացքներով: