ԿԱՌԱՎԱՐՈՒԹԻՒՆԸ ՆԱԽԱՏԵՍՈՒՄ Է ՋԵՐՄՈՒԿԸ ԴԱՐՁՆԵԼ ԱՌՈՂՋԱՐԱՆԱՅԻՆ
ՏՈՒՐԻԶՄԻ ԿԵՆՏՐՈՆ
18-06-2008 23:00:00 | Հայաստան | Տնտեսութիւն
ԵՐԵՎԱՆ, 18 ՅՈՒՆԻՍԻ, ՆՈՅԵԱՆ ՏԱՊԱՆ: Հայաստանի ընդհանուր
մրցունակութեան եւ տարածքների համաչափ զարգացման համատեքստում
Ջերմուկ քաղաքի համալիր զարգացման առաջնահերթություններին էր
նուիրուած ՀՀ նախագահ Սերժ Սարգսեյանի մասնակցութեամբ յունիսի 18-ին
Ջերմուկի քաղաքապետարանում հրաւիրուած խորհրդակցութիւնը:
Մասնաւորապէս, խօսքը գնում է Ջերմուկում առողջարանային տուրիզմը
զարգացնելու երկարաժամկէտ ծրագրի մասին:
ՀՀ էկոնոմիկայի նախարար Ներսէս Երիցյանը ներկայացրել է քաղաքի
երկարաժամկէտ զարգացման հնարաւոր մօտեցումները եւ դրանց հասնելու
ընթացակարգերը: Ըստ նրա, կառավարութիւնից կպահանջուի 5-7 տարուայ
աշխատանք, որից յետոյ ակնկալւում է, որ քաղաքի զարգացման գործը
կընթանա մասնաւոր ներդրողների միջոցներով: Ինչպէս նշեց նախարարը
լրագրողների հետ զրոյցում, Ջերմուկը բոլոր բնական պայմանները ունի
յաւակնելու առողջարանային տուրիզմի կենտրոնի դերի: «Եթէ մենք
կարողանանք ինտեգրուել առողջարանային տուրիզմի միջաչգային ցանցի մէջ
եւ ներդրողներին կարողանանք բերել այստեղ եւ ծանօթացնել
հնարաւորութիւններին, հնարաւոր է շատ լուրջ տնտեսութիւն կառուցել
այս տարածաշրջանի համար, բիզնես կենտրոն կառուցել»,- ասաց նա:
Ներկայումս Ջերմուկ տարեկան 5000 զբօսաշրջիկ է այցելում, իսկ
խորհրդային տարիներին զբոսաշրջիկների թիւը հասել 29 հազարի` այդ
թիւը Հայաստանի իշխանութիւնները նպատակ են դրել վերականգնել:
Որպէս կարեւոր խնդիրներ Ն.Երիցյանը նշեց Երեւանի հետ
ճանապարհը կարճացնելու, բնապահպանական պահանջներին համապատասխան
տեղական ենթակառուցվածքները բարելաւելու անհրաժեշտութիւնը:
Նախագահ Սարգսեանը Ջերմուկում մասնակցեց նոր կառուցւող
հիւրանոցի հիմնարկեքի արարողութեանը, այցելեց կառուցւող
ճոպանուղու առաջին կանգառ: