«ՇԱՆԹ ՊԼԻՒՍ» ԵՎ «ԱՇՏԱՐԱԿ ԿԱԹ» ԸՆԿԵՐՈՒԹԻՒՆՆԵՐԸ ՊԱՂՊԱՂԱԿԻ
ՇՈՒԿԱՅՈՒՄ ՃԱՆԱՉՈՒԵՑԻՆ ԳԵՐԻՇԽՈՂ ԴԻՐՔ ՈՒՆԵՑՈՂ
18-06-2008 17:20:00 | Հայաստան | Տնտեսութիւն
ԵՐԵՎԱՆ, 18 ՅՈՒՆԻՍԻ, ՆՈՅԵԱՆ ՏԱՊԱՆ: ՀՀ Տնտեսական մրցակցութեան
պաշտպանութեան պետական յանձնաժողովը յունիսի 18-ի նիստում
պաղպաղակի շուկայում «Շանթ Պլիւս» եւ «Աշտարակ կաթ»
ընկերութիւններին համարեց որպէս գերիշխող դիրք ունեցող
սուբյեկտներ: Այս շուկայում «Շանթ Պլյուսը» հանձանժողովի 2005թ.-ի
որոշմամբ նույնպես ճանաչուել էր գերիշխող դիրք ունեցող սուբյեկտ:
Համաձայն պաղպաղակի շուկայում գործող 14 տնտեսվարողների
կողմից ներկայացուած տեղեկատուութեան, 2007թ.-ին Հայաստանում
արտադրուել է 2 449 852,1 կգ պաղպաղակ, որից իրացուել է` 2 310 332,2
կգ-ը եւ արտահանուել` 130 389 կգ-ն: Իրացման առաւել մեծ ծաւալներ
ունեցող երեք տնտեսվարողներն են` «Շանթ Պլիւս»-ը (30,73%),
«Աշտարակա-կաթ»-ը (25,82%) եւ «Թամարան» (21,64%):