Նախատեսւում է Գիւմրիում կառուցել նոր բժշկական կենտրոն
22-01-2010 13:14:00 | Հայաստան | Հասարակութիւն
2010թ.-ի 1-ին եռամսյակում կսկսուեն Գաւառի հիւանդանոցի
հիմնանորոգման աշխատանքները
ԵՐԵՎԱՆ, 22 ՅՈՒՆՎԱՐԻ, ՆՈՅԵԱՆ ՏԱՊԱՆ: Համաշխարհային բանկի
կողմից ֆինանսաւորւող «Հայաստանի առողջապահական համակարգի
արդիականացում» ծրագրի շրջանակներում 2009թ.-ին իրականացուել են մի
շարք աշխատանքներ: Ըստ ՀՀ Առողջապահութեան նախարարութեան մամլոյ
ծառայութեան, ՀՀ առողջապահութեան, անցած տարի աւարտուել են Հրազդանի
եւ Իջեւանի բժշկական կենտրոնների հիմնանորոգման աշխատանքները: Այդ
կենտրոնները ապահովել են բժշկական սարքավորումներով եւ կահոյքով:
Բացի այդ, 2009թ.-ին հանրապետութեան 2 մարզերում կառուցուել են 4
գիւղական ամբուլատորիաներ, 8 մարզերում վերանորոգուել են 21
ամբուլատորիաներ: Եվս 5 մարզերում ընթացքի մէջ են 5
ամբուլատորիաների կառուցման աշխատանքները:
Բուժսարքաւորումներով հագեցուել են 4 մարզերի 20 գիւղական
ամբուլատորիաներ, մասնագիտական ուսուցում են անցել 237 բժիշկներ եւ
322 բուժքոյրեր:
2010թ.-ի 1-ին եռամսյակում կաւարտուեն Արմաւիրի, Ապարանի եւ
Արարատի, իսկ 2-րդ եռամսյակում` Գորիսի բժշկական կենտրոնների
հիմնանորոգման աշխատանքները: Այդ կենտրոնները նույնպես կապահովուեն
բժշկական սարքավորումներով եւ կահոյքով:
2010թ.-ի 1-ին եռամսյակում կսկսուեն Գաւառի հիւանդանոցի
հիմնանորոգման աշխատանքները: Ընթացքի մէջ են Գիւմրիի նոր բժշկական
կենտրոնի կառուցման նախապատրաստական աշխատանքները: