Օբաման ուզում է բարելաւել յարաբերութիւնները Ռուսաստանի հետ
08-12-2008 15:30:00 | ԱՄՆ | Միջազգային
ՎԱՇԻՆԳՏՈՆ, 8 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: ԱՄՆ-ի նորընտիր
նախագահ Բարաք Օբաման կոչ է արել վերագնայատել ամերիկա-ռուսական
յարաբերութիւնները` միաժամանակ կշտամբելով Ռուսաստանին Վրաստանի
եւ հարեւան այլ երկրների հանդէպ «ագրեսիւ քաղաքականութեան» համար:
«Ես կարծում եմ, որ մեզ համար կարեւոր կլինի ամերիկա-ռուսական
յարաբերութիւնների վերականգնումը»,- ասել է Օբաման NBC
հեռուստաընկերութեանը տուած հարցազրոյցի ժամանակ:
Ամերիկացի նորընտիր նախագահը միեւնոյն ժամանակ ասել է, որ
արագ տնտեսական աճը եւ հարուստ էներգետիկական պաշարները
Ռուսաստանին դարձրել են «շատ ինքնավստահ»: