ԿՐԵԴԻՏՆԵՐ ՍՏԱՑՈՂ ՔԱՂԱՔԱՑԻՆԵՐԻ ՇԱՀԵՐՆ ԱՅՍՈՒՀԵՏ ՊԱՇՏՊԱՆՈՒԱԾ
ԿԼԻՆԵՆ ՕՐԷՆՔՈՎ
05-06-2008 17:50:00 | Հայաստան | Տնտեսութիւն
ԵՐԵՎԱՆ, 5 ՅՈՒՆԻՍԻ, ՆՈՅԵԱՆ ՏԱՊԱՆ: «Սպառողական կրեդիտավորման
մասին» օրէնքի ընդունման նպատակը կրեդիտներ ստացող քաղաքացիների
շահերի պաշտպանութիւնն է: Ինչպէս ՀՀ կառավարութեան յունիսի 5-ի
նիստից յետոյ լրագրողներին յայտնեց ՀՀ Կենտրոնական բանկի նախագահի
տեղակալ Արթուր Ջաւադեանը, նիստում հաւանութեան արժանացած
«Սպառողական կրեդիտավորման մասին» օրինագիծը սպառողներին
վերապահում է լրացուցիչ իրաւունքներ, այդ թւում կրեդիտը վաղաժամկէտ
մարելու եւ կրեդիտավորման պայմանագրից հրաժարուելու իրաւունքը:
Ա.Ջաւադեանը նշեց նաեւ, որ «Բանկային աւանդների մասին» ՀՀ
օրինագծի նպատակն է ֆինանսական ոլորտում սպառողների իրաւունքների
պաշտպանութիւնը, քաղաքացիներից դրամական միջոցների ներգրաւման
միսնական կանոնների սահմանումը: Ըստ նրա, օրինագծի նպատակն է նաեւ
սպառողներին այնպիսի տեղեկատվությամբ ապահովումը, որը նրանց
հնարաւորութիւն կընձեռի համեմատել տարբեր բանկերի կողմից
առաջարկուող աւանդների ներգրաւման պայմանները եւ կայացնել
հիմնաւորուած ընտրություն: