ՀՀ ԿԱՌԱՎԱՐՈՒԹԻՒՆԸ ՀԱՒԱՆՈՒԹԻՒՆ Է ՏՈՒԵԼ «ՖԻՆԱՆՍԱԿԱՆ
ՀԱՄԱԿԱՐԳԻ ՀԱՇՏԱՐԱՐԻ ՄԱՍԻՆ» ՕՐԻՆԱԳԾԻՆ
05-06-2008 17:00:00 | Հայաստան | Տնտեսութիւն
ԵՐԵՎԱՆ, 5 ՅՈՒՆԻՍԻ, ՆՈՅԵԱՆ ՏԱՊԱՆ: ՀՀ կառավարութիւնը յունիսի
5-ի նիստում հաւանութեան է տուել «Ֆինանսական համակարգի հաշտարարի
մասին», «Սպառողական կրեդիտավորման մասին» եւ «Բանկային աւանդների
ներգրաւման մասին» օրէնքների նախագծերին:
Ինչպէս նիստից յետոյ լրագրողներին յայտնեց ՀՀ Կենտրոնական
բանկի նախագահի տեղակալ Արթուր Ջաւադեանը, օրինագծերի նպատակը
ֆինանսական ծառայութիւններից օգտվող սպառողների իրաւունքների
պաշտպանութիւնը ֆինանսական համակարգի նկատմամբ սպառողների
վստահութեան բարձրացումն է:
«Ֆինանսական համակարգի հաշտարարի մասին» օրէնքի ընդունման
դէպքում քաղաքացիները հնարաւորութիւն կստանան ֆինանսական
կազմակերպութիւնների դէմ բողոքները ներկայացնել ֆինանսական
համակարգի հաշտարարին: Ընդ որում, հաշտարարի ծառայութիւններից
օգտվելը կլինի անվճար: Հաշտարարի առաջնային խնդիրը բողոք
ներկայացրած քաղաքացուն եւ ֆինանսական կազմակերպութեանը հաշտեցնելն
է, նրանց համար խնդրի փոխադարձ ընդունելի լուծում գտնելը:
Հաշտատարին նշանակելու է ֆինանսական համակարգի հաշտարարի
գրասենեակի խորհուրդը, որը կազմուած է լինելու 7 անդամից, այդ թւում
4-ը` ֆինանսական կազմակերպութիւնների ներկայացուցիչներ, 1-ը`
սպառողների շահերի պատպանության միութիւնների ներկայացուցիչ, եւ
մէկական ներկայացուցիչ` կառավարութիւնից եւ ԿԲ-ից: