ԳԱԶԱՍՊԱՌՄԱՆ ՆԵՐՏՆԱՅԻՆ ՀԱՄԱԿԱՐԳԵՐԻ ԱՆՎՏԱՆԳՈՒԹԵԱՆ ՏԵՍԱԿԵՏԻՑ
ՆՊԱՏԱԿԱՀԱՐՄԱՐ ՉԷ ԳԱԶԻ ՍԱԼԻԿՆԵՐԻ ԵՎ ՀԻՆ ՋՐԱՏԱՔԱՑՈՒՑԻՉՆԵՐԻ
ՇԱՀԱԳՈՐԾՈՒՄԸ
04-06-2008 16:02:00 | Հայաստան | Տնտեսութիւն
ԵՐԵՎԱՆ, 4 ՅՈՒՆԻՍԻ, ՆՈՅԵԱՆ ՏԱՊԱՆ: «Էյ-Ի-Ջի-Սերվիս»
ընկերութիւնն արդէն մէկ տարի իրականացնում է հանրապետութեան
գազասպառման ներտնային համակարգերի տեխնիկական սպասարկումը: Ինչպէս
յունիսի 4-ին հասարակական կազմակերպութիւնների ներկայացուցիչների
հետ հանդիպմանը նշեց ընկերութեան տնօրէն Սամուէլ Մհերեանը, անցած
տարի իրականացուել է 432 487 ստուգայց եւ սպասարկվել 410 863
բաժանորդ:
Ստուգայցերի ընթացքում արձանագրուած խախտումների վերաբերեալ
կազմուել են տեխնիկական անվտանգութեան գծով առկայ թերութիւնների
արձանագրման 70 956 ակտեր: Նշուեց, որ բնակիչների հետ կնքուած
պայմանագրով համակարգի աշխատակիցը տարեկան պէտք է կատարի երկու
այց: Ս.Մհերեանը տեղեկացրեց, որ ընկերութիւնը նախատեսում է
կատարել գազի կաթսաների տեղադրումներ` գումարը յետագայում մարելու
պայմանով:
«հայռուսգազարդ»-ի փոխտնօրեն Աշոտ Յովսէփեանի խօսքերով,
ներտնային համակարգերի անվտանգութեան տեսակետից ներկայումս
անհանգստանալու տեղիք են տալիս գազի սալիկների եւ հին
ջրատաքացուցիչների շահագործումը: Նա յիշեցրեց, որ ներտնային
համակարգի անվտանգութեան պատասխանատուն «հայռուսգազարդ»-ն է:
Նշենք, որ համապատասխան որոշման համաձայն, տեխնիկական
սպասարկման ծառայութեան տարեկան վճար է սահմանուել` մէկ
գազօգտագործող սարքաւորման առկայութեան դէպքում 2400 դրամ (մօտ 7,8
ԱՄՆ դոլար), երկուսի դէպքում` 5700 դրամ, իսկ երեք եւ աւելի
գազօգտագործող սարքավորումների առկայութեան դէպքում 6900 դրամ: