ԵՐԵՎԱՆ, 30 ՄԱՅԻՍԻ, ՆՈՅԵԱՆ ՏԱՊԱՆ: Արմատական ընդդիմութեան ակտիւիստ, նախկին Գերագոյն Խորհրդի փոխնախագահ Կարապետ Ռուբինեանի բնորոշմամբ, Հայաստանն այսօր գտնւում է ընդմիջված յեղափոխութեան պայմաններում: Յայտարարելով այս մասին մայիսի 30-ի քննարկմանը, Կ.Ռուբինեանը յաւելեց, որ այն, ինչ տեղի էր ունենում Ազատութեան հրապարակում փետրուարի վերջին 10 օրուայ ընթացքում, խաղաղ, թավշյա, ոչ գունաւոր, արտաքին ուժերի կողմից «ապաքաջալերված» ընդդիմութեան հեղափուխություն էր: «Թէ' եւրոպական կառոյցները, թէ' ԱՄՆ-ը շատ զուսպ գնահատական տվեցին աղաղակող կեղծիքներով անցկացուած ընտրութիւններին»,- ասաց Կ.Ռուբինեանը: Նրա խօսքերով, հայ ժողովուրդը ոտքի էր ելել «ընդդէմ ավազակապետության», որն ընդդիմութեան առաջնորդի վերլուծություններին ոչինչ չէր կարողանում համադրել: Փետրուարի վերջին ծայր առած համաժողովրդական պայքարը, ըստ Կ.Ռուբինեանի, իշխանութիւններին երկու տարբերակ էր թողել` կամ յանձնել իշխանութիւնը, կամ խեղդել ժողովրդական ընդվզումն արեան մէջ: «Իշխանութիւնները ընտրեցին երկրորդ տարբերակը»,- ասաց ընդդիմադիր գործիչը: Հայաստանի հանրապետական կուսակցութեան (ՀՀԿ) խորհրդի անդամ Սամուէլ Նիկոյանի գնահատմամբ, 10 օր տեւած նստացոյցն իսկապէս յեղափոխութեան փորձ էր: Նա յիշեցրեց, որ դեռեւս ընտրութիւններից առաջ ինքը նկատել էր, որ ընդդիմությունը պատրաստւում է ոչ այնքան բուն ընտրութեանը, որքան` հետընտրական գործընթացներին: Ընտրութիւնները, հանրապետական գործչի համոզմամբ, ընդդիմադիրների համար պարզապէս առիթ էին ընդվզման ալիք բարձրացնելու համար: Ըստ Ս.Նիկոյանի, Հայաստանում արդէն աւանդոյթ է ընդդիմութեան կողմից ընտրութիւնները չճանաչելը: «Այո, մենք անում էինք եւ անելու ենք յեղափոխութիւն»,- յայտարարեց Հայաստանի ժողովրդական կուսակցութեան (ՀԺԿ) վարչութեան անդամ Ռուզան Խաչատրեանը, ըստ որի, եթէ իշխանամետները ժողովրդական հանրահաւաքային պայքարն անուանում են յեղափոխութիւն, ապա, ուրեմն, թող այդպէս էլ կոչուի: Ռ.Խաչատրեանը նշեց, որ չի հաւատում վերջին ժամանակներում իշխանութիւնների ցուցաբերած «բարի կամքի» դրսեւորումներին, որովհեւտեւ դրանք իմիտացիողն բնոյթ են կրում: Նրա համոզմամբ, հանրապետութիւնում փաստացի շարունակւում է պահպանուել արտակարգ դրութիւն. այդ է վկայում այն փաստը, որ Ազատութեան հրապարակը լցուած է ոստիկաններով, որոնք ՀՀ քաղաքացիներին արգելում են մուտք գործել հրապարակ եւ զբոսնել այնտեղ:

---