2008 Թ.-Ի ԱՌԱՋԻՆ ԵՌԱՄՍՅԱԿՈՒՄ ՆԱԽՈՐԴ ՏԱՐՈՒԱՅ ՆՈՅՆ
ԺԱՄԱՆԱԿԱՀԱՏՈՒԱԾԻ ՀԱՄԵՄԱՏ ՀԱՅԱՍՏԱՆԻ ԱՐԴԻՒՆԱԲԵՐԱԿԱՆ ԱՐՏԱԴՐԱՆՔԻ
ԾԱՒԱԼԸ 0,2%-ՈՎ ԱՃԵԼ Է
14-05-2008 17:00:00 | Հայաստան | Տնտեսութիւն
ԵՐԵՎԱՆ, 14 ՄԱՅԻՍԻ, ՆՈՅԵԱՆ ՏԱՊԱՆ: 2008թ.-ի յունուար-մարտին
Հայաստանում, ընթացիկ գներով, թողարկվել է 168 մլրդ 858,5 մլն
դրամի կամ աւելի քան 548,1 մլն ԱՄՆ դոլարի արդիւնաբերական
արտադրանք, իրացուել է 167 մլրդ 149,3 մլն դրամի արտադրանք, որից
ԱՊՀ երկրներում` 15 մլրդ 308,7 մլն դրամի, այլ երկրներում` 36 մլրդ
533,6 մլն դրամի արտադրանք:
ՀՀ Ազգային վիճակագրական ծառայութեան տուեալներով, 2007թ.-ի
յունուար-մարտի նկատմամբ արդիւնաբերական արտադրանքի ինդեքսը կազմել
է 100,2%, իսկ արդիւնաբերական արտադրանքի ինդեքսն առանց
էլեկտրաէներգիայի, գազի, ջրի արտադրութեան եւ բաշխման` 98,3%: