ՖԻԴԵԼ ԿԱՍՏՐՈ. ԿՈՒԲԱՆ ԱՄՆ-ԻՆ ՉՊԷՏՔ Է ԲԱՑԱՏՐՈՒԹԻՒՆ ՏԱՅ ԻՐ
ՏԱՐԱԾՔՈՒՄ ՌԴ ՕԴՈՒԺԻ ՀՆԱՐԱՒՈՐ ՏԵՂԱԿԱՅՄԱՆ ԱՌՆՉՈՒԹԵԱՄԲ
24-07-2008 18:55:00 | | Միջազգային
ՀԱՎԱՆԱ, 24 ՅՈՒԼԻՍԻ, ՆՈՅԵԱՆ ՏԱՊԱՆ: Կուբան ոչ մի
բացատրութիւն չպէտք է տայ ԱՄՆ-ին իր տարածքում ռուսական
ռմբակոծիչների համար ռազմակայանների հնարաւոր տեղակայման
առնչութեամբ: Ինչպէս հաղորդում է «Նովոստի» գործակալութիւնը, այս
յայտարարութեամբ հանդէս է եկել Կուբայի նախկին առաջնորդ Ֆիդել
Կաստրոն «Մաքիավելու ռազմավարութիւն» յօդուվածում:
«Ռաուլը (Կաստրոն) ճիշտ վարուեց` արժանապատիվ լռութիւն
պահպանելով յուլիսի 21-ին ռուսական «Իզվեստիա» թերթում յօդուածի
հրապարակման առնչութեամբ, որտեղ խոսւում է մեր տարածքում ռուսական
ռազմավարական ռմբակոծիչների համար ռազմակայանների հնարաւոր
տեղաբաշխման մասին: Այդ տեղեկատուութիւնը հիմնուած է հիպոթեզի վրայ,
որ մշակtyել է Ռուսաստանում այդ մեծ տերության անմիջական
հարեւանութեամբ միջուկային վահանի արձակման կայանքների եւ
ռադարների տեղակայման գաղափարի իրականացման ամերիկեան համառության
առնչութեամբ»,- գրում է Ֆիդել Կաստրոն:
«Պէտք չէ դրա համար ներողութիւն խնդրել եւ բացատրութիւններ
տալ ԱՄՆ-ին»,- յայտարարել է Ֆիդել Կաստրոն:
Նախօրէին որոշ ռուսական ԶԼՄ-ներ հաղորդել են, որ իբր ռուսական
ռազմավարական Տու-160 եւ Տու-95ՄՍ հրթիռակիրներ են վայրէջք կատարել
Կուբայում, ինչպէս նաեւ ծանօթացել Լատինական Ամերիկայի եւ Աֆրիկայի
պետութիւնների տեղակայման նոր օդանավակայանների ենթակառուցվածքին:
Հինգշաբթի ՌԴ ՊՆ բարձրաստիճան աղբիւրը այդ հաղորդումները հերքել
է` դրանք համարելով տեղեկատուական «խայծ»: