ԲԵԼԳԻԱՅԻ ՎԱՐՉԱՊԵՏԸ ՀՐԱԺԱՐԱԿԱՆԻ ԴԻՄՈՒՄ Է ՆԵՐԿԱՅԱՑՐԵԼ
15-07-2008 15:55:00 | | Միջազգային
ԲՐԻՒՍԷԼ, 15 ՅՈՒԼԻՍԻ, ՆՈՅԵԱՆ ՏԱՊԱՆ: Բելգիայի վարչապետ Իվ
Լետերմը հրաժարականի դիմում է ներկայացրել Ալբերտ Երկրորդ
թագավորին` երկրի մարզերին մեծ իշխանությամբ օժտելու եւ երկիրը
իշխանութեան ճգնաժամից դուրս բերելու նախարարների կաբինետի անյաջող
փորձից յետոյ: Այս մասին հաղորդում է «Ռոյթերը»` վկայակոչելով
վարչապետի մամլոյ ծառայութեանը:
«Հենց թագավորն է հրաժարականի որոշումն ընդունելու»,-
յայտարարել է Բելգիայի վարչապետի մամլոյ քարտուղարը` նշելով, որ
հրաժարականը կարող է եւ չընդունվել:
Իվ Լետերմի պահանջի համաձայն, մինչեւ յուլիսի 15-ը
ֆլամանդական կուսակցութիւնների, որոնք Բելգիայի հիւսիսի իրենց
տարածքների համար աւելի մեծ ինքնավարութիւն են պահանջում, եւ
ֆրանսախօս կուսակցութիւնների միջեւ պէտք է համաձայնագիր
ստորագրուեր պետական բարեփոխումներ անցկացնելու մասին, որը կարող էր
վերջ դնել իշխանութեան ճգնաժամին երկրում: Սպասւում էր, որ յուլիսի
15-ին վարչապետը խորհրդարանին կներկայացնի այդ բարեփոխումների
անցկացման ծրագիրը:
Իվ Լետերմը Բելգիայի վարչապետի պաշտօնը զբաղեցրել էր 2008թ.
մարտին ֆլամանդական եւ ֆրանսալեզու կուսակցութիւնների միջեւ
տասնամսեայ դիմակայութիւնից յետոյ: