ՄՈԳԱԴԻՇՕ, 1 ՅՈՒԼԻՍԻ, ՆՈՅԵԱՆ ՏԱՊԱՆ: Իսլամիստների
ստորաբաժանումները Սոմալիի կենտրոնում եւ հարաւ-արեւմուտքում
յարձակում են գործել երեք քաղաքների վրայ եւ այնտեղից դուրս մղել
կառավարական զորքերը:
Ինչպէս յայտնել է «Իսլամական դատարանների միութեան»
ներկայացուցիչ Իսե Ադոուն, երկուշաբթի իսլամիստները գրաւել են
Խուդուր, Վաջիդ եւ Բելեչուզնե քաղաքները:
Իսլամիստների ստորաբաժանումները, որ զինուած պայքար են մղում
անցումային կառավարութեան դէմ, իրականացնում են բնակավայրերի վրայ
հանկարծակի յարձակման մարտավարութիւն, որոնք լքում են առանց մարտի
մի քանի ժամ յետոյ: Նրանց նպատակն է բնակչութեանը ցոյց տալ իրենց
ուժը եւ ապացուցել, որ կառավարութիւնը չի վերահսկում իրավիճակը,
իսկ եթովպիական զորքերը (իշխանութիւնների դաշնակիցները) ի վիճակի
չեն ճնշելու «Իսլամական դատարանների միութեան» դիմադրութիւնը: