ՉԵԽԻԱՆ ԵՎ ԱՄՆ-Ը ՅՈՒԼԻՍԻ 8-ԻՆ ԿՍՏՈՐԱԳՐԵՆ ՀՀՊ-Ի ՊԱՅՄԱՆԱԳԻՐԸ
01-07-2008 16:41:00 | | Միջազգային
ՊՐԱՀԱ, 1 ՅՈՒԼԻՍԻ, ՆՈՅԵԱՆ ՏԱՊԱՆ: Չեխիայում ԱՄՆ-ի ՀՀՊ
ռադիոտեղորոշման կայանի տեղակայման մասին չեխ-ամերիկեան
պայմանագիրը կստորագրուի յուլիսի 8-ին: Արարողութիւնը կկայանայ
հանրապետութեան ԱԳՆ պալատում: Այս մասին հաղորդում է ԻՏԱՌ-ՏԱՍՍ-ը:
Փաստաթուղթը ստորագրելու համար Պրահա կժամանի ԱՄՆ-ի
պետքարտուղար Կոնդոլիզա Ռայսը, չեխական կողմից այն կստորագրի
արտաքին գործերի նախարար Կարել Շվարցենբերգը:
Ինչպէս յայտարարել է Չեխիայի ԱԳՆ ղեկավարը, Ռայսը, ամենայն
հաւանականութեամբ, Պրահայից յաջորդ օրը կմեկնի Վարշաւա, որտեղ պէտք
է լուծուի լեհական տարածքում ԱՄՆ-ի ՀՀՊ հրթիռային ռազմակայանի
տեղակայման հարցը: