FT. ԲՐԻՏԱՆԻԱՆ ԶԱՒԹԵԼ Է ԶԷՆՔԻ ՀԱՄԱՇԽԱՐՀԱՅԻՆ ՇՈՒԿԱՅԻ ՄԷԿ
ԵՐՐՈՐԴԸ
18-06-2008 16:20:00 | | Միջազգային
ԼՈՆԴՈՆ, 18 ՅՈՒՆԻՍԻ, ՆՈՅԵԱՆ ՏԱՊԱՆ: Մեծ Բրիտանիան 2007
թուականին աշխարհում առաջին տեղն է գրաւել ըստ սպառազինութիւնների
մատակարարման պատուէրների: Այս մասին հաղորդում է The Financial
Times թերթը` վկայակոչելով կառավարութեան տուեալները:
Պաշտօնական տուեալների համաձայն, Մեծ Բրիտանիան 2007 թուականին
ստացել է 10 միլիարդ ֆունտի (մօտ 20 միլիարդ դոլար)
սպառազինութիւնների արտահանման նոր պատուերներ, որը կազմում է
զէնքի արտահանման համաշխարհային շուկայի 33%-ը:
Անվտանգութեան եւ պաշտպանութեան բրիտանական կազմակերպութեան
տուեալներով, Բրիտանիայի այս յաջողութիյունը ձեռք է բերուել Սաուդյան
Արաբիայի հետ «Թայֆուն» կործանիչների մատակարարման գործարքի,
ինչպէս նաեւ Օմանի եւ Տրինիդադի եւ Տոբակոյի հետ առափնեայ
պահպանութեան նաւերի մատակարարման պայմանագրերի, ինչպէս նաեւ
ԱՄՆ-ից ստացուած պատուէրների հաշուին: