FT. ԲՐԻՏԱՆԻԱՆ ԶԱՎԹԵԼ Է ԶԵՆՔԻ ՀԱՄԱՇԽԱՐՀԱՅԻՆ ՇՈՒԿԱՅԻ ՄԵԿ
ԵՐՐՈՐԴԸ
18-06-2008 16:20:00 | | Միջազգային
ԼՈՆԴՈՆ, 18 ՀՈՒՆԻՍԻ, ՆՈՅՅԱՆ ՏԱՊԱՆ: Մեծ Բրիտանիան 2007
թվականին աշխարհում առաջին տեղն է գրավել ըստ սպառազինությունների
մատակարարման պատվերների: Այս մասին հաղորդում է The Financial
Times թերթը` վկայակոչելով կառավարության տվյալները:
Պաշտոնական տվյալների համաձայն, Մեծ Բրիտանիան 2007 թվականին
ստացել է 10 միլիարդ ֆունտի (մոտ 20 միլիարդ դոլար)
սպառազինությունների արտահանման նոր պատվերներ, որը կազմում է
զենքի արտահանման համաշխարհային շուկայի 33%-ը:
Անվտանգության եւ պաշտպանության բրիտանական կազմակերպության
տվյալներով, Բրիտանիայի այս հաջողությունը ձեռք է բերվել Սաուդյան
Արաբիայի հետ «Թայֆուն» կործանիչների մատակարարման գործարքի,
ինչպես նաեւ Օմանի եւ Տրինիդադի եւ Տոբակոյի հետ առափնյա
պահպանության նավերի մատակարարման պայմանագրերի, ինչպես նաեւ
ԱՄՆ-ից ստացված պատվերների հաշվին: