ԴԱՔՔԱ, 4 ՅՈՒՆԻՍԻ, ՆՈՅԵԱՆ ՏԱՊԱՆ: Աւելի քան 10 հազար մարդ է
ձերբակալուել Բանգլադեշում յանցաւորութեան դէմ պայքարի շրջանակում:
Ընդդիմադիր քաղաքական կուսակցութիւնների ղեկավարները յայտարարում
են, որ ոստիկանութեան ստուգայցերի ընթացքում ձերբակալուել են
հարիւրաւոր իրենց ներկայացուցիչներ:
Բանգլադեշի ոստիկանապետ Նուր Մոհամմեդը յայտարարել է, որ
յանցաւորութեան դէմ պայքարի օպերացիան տեւելու է մէկ ամիս:
Ոստիկանութիւնը, ըստ նրա, ձերբակալում է այն անձանց, որոնց դէմ
կան կոնկրետ մեղադրանքներ: Խօսքը, ի թիւս այլոց, վերաբերում է
մաքսանենգներին եւ անօրինական զէնք կրողներին, հաղորդում է BBC-ն: