ԴԱՔՔԱ, 4 ՀՈՒՆԻՍԻ, ՆՈՅՅԱՆ ՏԱՊԱՆ: Ավելի քան 10 հազար մարդ է
ձերբակալվել Բանգլադեշում հանցավորության դեմ պայքարի շրջանակում:
Ընդդիմադիր քաղաքական կուսակցությունների ղեկավարները հայտարարում
են, որ ոստիկանության ստուգայցերի ընթացքում ձերբակալվել են
հարյուրավոր իրենց ներկայացուցիչներ:
Բանգլադեշի ոստիկանապետ Նուր Մոհամմեդը հայտարարել է, որ
հանցավորության դեմ պայքարի օպերացիան տեւելու է մեկ ամիս:
Ոստիկանությունը, ըստ նրա, ձերբակալում է այն անձանց, որոնց դեմ
կան կոնկրետ մեղադրանքներ: Խոսքը, ի թիվս այլոց, վերաբերում է
մաքսանենգներին եւ անօրինական զենք կրողներին, հաղորդում է BBC-ն: