ԲԱՐԱՔ ՕԲԱՄԱՆ ՅԱՅՏԱՐԱՐԵԼ Է, ՈՐ ՊԱՇՏՕՆԱՊԷՍ ԿԱՌԱՋԱԴՐՈՒԻ
ՆԱԽԱԳԱՀԻ ԹԵԿՆԱԾՈՒ
04-06-2008 18:55:00 | ԱՄՆ | Միջազգային
ՎԱՇԻՆԳՏՈՆ, 4 ՅՈՒՆԻՍԻ, ՆՈՅԵԱՆ ՏԱՊԱՆ: Սենատոր Բարաք Օբաման
յայտարարել է, որ աւարտուել են դեմոկրատների ներկուսակցական
ընտրութիւնները եւ որ ինքը պաշտօնապէս կառաջադրուի ԱՄՆ-ի նախագահի
թակնածու:
«Այսօր ես կարող եմ դուրս գալ ձեր առջեւ եւ ասել, որ
դեմոկրատների կողմից ես կառաջադրվեմ Ամերիկայի Միացեալ Նահանգների
նախագահի պաշտօնի համար»,- յայտարարել է Օբաման:
Երեքշաբթի երեկոյեան անցկացուել են վերջին պրայմերիզները
Հարաւային Դակոտայի եւ Մոնթանայի նահանգներում: Առաջին նահանգում
յաղթանակը դեմոկրատների ճամբարում բաժին է հասել Նյու Եորքի
նահանգից սենատոր Հիլարի Քլինթոնին, իսկ երկրորդում յաղթել է նրա
մրցակից, Իլլինոյսի նահանգից 46-ամեայ սեւամորթ սենատոր Բարաք
Օբաման: