ԲԱՐԱՔ ՕԲԱՄԱՆ ՀԱՅՏԱՐԱՐԵԼ Է, ՈՐ ՊԱՇՏՈՆԱՊԵՍ ԿԱՌԱՋԱԴՐՎԻ
ՆԱԽԱԳԱՀԻ ԹԵԿՆԱԾՈՒ
04-06-2008 18:55:00 | ԱՄՆ | Միջազգային
ՎԱՇԻՆԳՏՈՆ, 4 ՀՈՒՆԻՍԻ, ՆՈՅՅԱՆ ՏԱՊԱՆ: Սենատոր Բարաք Օբաման
հայտարարել է, որ ավարտվել են դեմոկրատների ներկուսակցական
ընտրությունները եւ որ ինքը պաշտոնապես կառաջադրվի ԱՄՆ-ի նախագահի
թակնածու:
«Այսօր ես կարող եմ դուրս գալ ձեր առջեւ եւ ասել, որ
դեմոկրատների կողմից ես կառաջադրվեմ Ամերիկայի Միացյալ Նահանգների
նախագահի պաշտոնի համար»,- հայտարարել է Օբաման:
Երեքշաբթի երեկոյան անցկացվել են վերջին պրայմերիզները
Հարավային Դակոտայի եւ Մոնթանայի նահանգներում: Առաջին նահանգում
հաղթանակը դեմոկրատների ճամբարում բաժին է հասել Նյու Յորքի
նահանգից սենատոր Հիլարի Քլինթոնին, իսկ երկրորդում հաղթել է նրա
մրցակից, Իլլինոյսի նահանգից 46-ամյա սեւամորթ սենատոր Բարաք
Օբաման: