ՉԻՆԱՍՏԱՆՈՒՄ ԵՐԿՐԱՇԱՐԺԻ ԶՈՀԵՐԻ ԹԻՒԸ ԳԵՐԱԶԱՆՑԵԼ Է 51 ՀԱԶԱՐԸ
22-05-2008 16:52:00 | | Միջազգային
ՊԵԿԻՆ, 22 ՄԱՅԻՍԻ, ՆՈՅԵԱՆ ՏԱՊԱՆ: Սիչուան նահանգում տեղի
ունեցած երկրաշարժի զոհերի թիւը գերազանցել է 51 հազարը, հաղորդում
է BBC_ին:
Ըստ չինական իշխանութիւնների տուեալների, գրեթէ 30 հազար մարդ
համարւում է անհետ կորած: Մարմնական տարբեր աստիճանի վնասուածքներ է
ստացել 288 հազար մարդ, իսկ հինգ միլիոն մարդ մնացել է անօթեւան:
Պեկինը դիմել է միջազգային հանրութեանը` կոչ անելով որպէս
շտապ օգնութիւն տրամադրել երեք միլիոնից աւելի վրաններ: Իսկ
առայժմ, ՉԺՀ իշխանութիւնների տուեալներով, աղէտի գօտի է փոխադրուել
ընդամէնը 400 հազար վրան: