ՊԵԿԻՆ, 22 ՄԱՅԻՍԻ, ՆՈՅՅԱՆ ՏԱՊԱՆ: Սիչուան նահանգում տեղի ունեցած երկրաշարժի զոհերի թիվը գերազանցել է 51 հազարը, հաղորդում է BBC_ին: Ըստ չինական իշխանությունների տվյալների, գրեթե 30 հազար մարդ համարվում է անհետ կորած: Մարմնական տարբեր աստիճանի վնասվածքներ է ստացել 288 հազար մարդ, իսկ հինգ միլիոն մարդ մնացել է անօթեւան: Պեկինը դիմել է միջազգային հանրությանը` կոչ անելով որպես շտապ օգնություն տրամադրել երեք միլիոնից ավելի վրաններ: Իսկ առայժմ, ՉԺՀ իշխանությունների տվյալներով, աղետի գոտի է փոխադրվել ընդամենը 400 հազար վրան:

---