ՄՈՒՍՈՒԼՄԱՆՆԵՐԻ ԹՈՒԱՔԱՆԱԿԸ ԱՇԽԱՐՀՈՒՄ ԳԵՐԱԶԱՆՑԵԼ Է ԿԱԹՈԼԻԿՆԵՐԻ
ԹԻՒԸ
31-03-2008 20:03:00 | | Միջազգային
ՎԱՏԻԿԱՆ, 31 ՄԱՐՏԻ, ՆՈՅԵԱՆ ՏԱՊԱՆ: Պատմութեան մէջ առաջին
անգամ իսլամի հետեւորդների թիւն աշխարհում գերազանցել է
հռոմեա-կաթոլիկական եկեղեցու նուիրեալների թուաքանակը: Այս մասին,
ինչպէս հաղորդում է «Ֆրանսպրեսը», յայտնել է Վատիկանի պաշտօնական
ներկայացուցիչ, վիճակագրական վարչութեան ղեկավար եւ Annuario
Pontificio ամենամեայ կաթոլիկական տեղեկատուի հեղինակ մոնսենյոր
Վիտտորիո Ֆորմենտին:
Ինչպէս նշւում է Հռոմի կաթոլիկ եկեղեցու պատրաստած
տարեգրքում, երկրագնդի բնակչութեան 19 տոկոսը դավանում է իսլամ,
իսկ 17,4 տոկոսը` կաթոլիկություն: Դրա բացատրութիւններից մէկն այն
է, որ մուսուլմանական ընտանիքներում սովորաբար աւելի շատ են
երեխաները:
Այդուամենայնիւ, քրիստոնյաների ընդհանուր քանակը կազմում է
աշխարհի ողջ բնակչութեան մօտ մէկ երրորդը: