ԼԻՏՎԱՅԻ ԽՈՐՀՐԴԱՐԱՆԻ ԽՕՍՆԱԿԸ ՈՐՈՇԵԼ Է ՀՐԱԺԱՐԱԿԱՆ ՏԱԼ
27-03-2008 14:59:00 | | Միջազգային
ՎԻԼՆԻՒՍ, 27 ՄԱՐՏԻ, ՆՈՅԵԱՆ ՏԱՊԱՆ: Լիտվայի Սեյմի խօսնակ
Վիկտորաս Մունտյանասը, որ կասկածւում է կաշառատուութեան մէջ,
յայտարարել է խորհրդարանի ղեկավարի եւ Քաղաքացիական դեմոկրատիայի
կուսակցութեան նախագահի պաշտօնից հրաժարական տալու մտադրութեան
մասին:
Խօսնակի հետ կապուած սկանդալի պատճառ են դարձել անցած շաբաթ ի
յայտ եկած կաշառատուութեան կասկածները, թէեւ անձամբ ինքը մեղադրանքը
հերքում է. «Ես անօրինական ոչինչ չեմ արել, պարզապէս աշխատանքի
դիմաց վճարել եմ ֆիրմային, որը կատարել է իմ պատուէրը»,- յայտարարել
է խօսնակը:
Ըստ Մունտյանասի, ֆիրման իր խնդրանքով Կաունասում հողամասերի
սահմանաբաժանում է կատարել իր ազգականի եւ ընկերոջ համար: Դրա
դիմաց նա ֆիրմային Կաունասի գաւառապետի տեղակալ Վիրգինիյուս
Վիզբարասի միջոցով փոխանցել է 2 հազար լիտ (580 եւրօ):