ԼԻԲԱՆԱՆԸ ԲՈՅԿՈՏՈՒՄ Է ԴԱՄԱՍԿՈՍԻ ԱՐԱԲԱԿԱՆ ԳԱԳԱԹՆԱԺՈՂՈՎԸ
26-03-2008 17:35:00 | | Միջազգային
ԲԵՅՐՈՒԹ, 26 ՄԱՐՏԻ, ՆՈՅԵԱՆ ՏԱՊԱՆ: Լիբանանի կառավարութիւնը
բոյկոտում է Դամասկոսի համաարաբական գագաթնաժողովը, սակայն այդ
երկրի ներքաղաքական ճգնաժամի քննարկումը ներառուած է մարտի 29-30-ը
նախատեսուած տարածաշրջանային ֆորումի օրակարգում:
Ֆուադ աս-Սինիորայի կառավարող կաբինետի որոշման մասին
յայտարարուել է երէկ երեկոյեան, չնայած բարձրաստիճան հանդիպմանը
մասնակցելու խնդրանքին, որով պաշտօնական Բեյրութին դիմել է
Արաբական պետութիւնների լիգայի գլխաւոր քարտուղար Ամր Մուսային:
Ինչպէս հաղորդել է կառավարամէտ «Ալ-Մուստակբալ»
հեռուստաալիքը, աս-Սինիորան Լիբանանի անունից ուղերձ կյղի արաբ
ղեկավարներին, որտեղ «կը բացայայտի սիրիական վարչակազմի քայքայիչ
գործունէութիւնը եւ, մասնաւորապէս, այն խոչընդոտները, որ նա
շարունակում է հարուցել լիբանանեան սահմանադրական մարմինների
աշխատանքի համար` օգտագործելով իր դաշնակիցներին ընդդիմադիր
դաշտից»: