ՌՈՒՍԱՍՏԱՆԸ ԿՐԿԻՆ ԿՈՉ Է ԱՆՈՒՄ ՎԵՐՍԿՍԵԼ ԿՈՍՈՎՈՅԻ ՇՈՒՐՋ
ԲԱՆԱԿՑՈՒԹԻՒՆՆԵՐԸ
21-02-2008 19:46:00 | Ռուսաստան | Միջազգային
ՄՈՍԿՈՒԱ, 21 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Ռուսաստանի ԱԳՆ ղեկավար
Սերգեյ Լավրովը կրկին կոչ է արել վերսկսել բանակցութիւնները
Կոսովոյի կարգավիճակի առնչութեամբ, որի խորհրդարանը փետրուարի 17-ին
միակողմանի կարգով յայտարարել է երկրամասի անկախութեան հռչակման
մասին, հաղորդում է «Նովոստի» գործակալութիւնը:
«Անհրաժեշտ է վերսկսել բանակցութիւնները Կոսովոյի
կարգավիճակի առնչութեամբ»,- ասել է ՌԴ նախարարը:
Ըստ Լաւրովի, Ռուսաստանի գործողութիւնները ստեղծուած
իրավիճակում ուղղուած կլինեն նախ եւ առաջ այն բանին, որպէսզի
պահպանուի միջազգային իրաւունքի գործողութիւնը:
«Ռուսաստանը մէկ անգամ չէ նախազգուշացրել, որ Կոսովոյի կողմից
անկախութեան միակողմանի յայտարարումը հետեւանքներ կունենայ: Կարծես
թէ մեր կանխատեսումները իրականանում են»,- ասել է Լավրովը:
Նա նշել է, որ «այդ հետեւանքները (Կոսովոյի անկախութեան
միակողմանի ճանաչումը) չեն նպաստում ԵՄ-ի եւ ԱՄՆ-ի հետ Ռուսաստանի
յարաբերութիւնների զարգացմանը, որոնց հետ Ռուսաստանը զարգացնել է
ուզում իրական գործընկերութիւն կենսական խնդիրների լուծման
համար»:
«Կոսովոն ամենաբարդ խնդիրների թւում չէր, ինչպիսին Պաղեստինն
է, որ կգրավեին մեր ողջ ուշադրութիւնը»,- նշել է Լավրովը:
Ըստ նրա, Կոսովոյի միակողմանի անջատումը շեղեց միջազգային
հանրութեանը այլ կարեւոր խնդիրների լուծումից: