ՀԱՅԱՍՏԱՆԻ ԲԱՆԿԵՐՈՒՄ ԲՆԱԿՉՈՒԹԻՒՆԻՑ ՆԵՐԳՐԱՒԱԾ ԱՒԱՆԴՆԵՐԻ
ՄՆԱՑՈՐԴԸ ՄԷԿ ՏԱՐՈՒՄ 41,9%-ՈՎ ԱՃԵԼ Է
31-01-2008 20:00:00 | Հայաստան | Տնտեսութիւն
ԵՐԵՎԱՆ, 31 ՅՈՒՆՎԱՐԻ, ՆՈՅԵԱՆ ՏԱՊԱՆ: Հայաստանում փողի բազան
2007թ.-ի դեկտեմբերի 31-ի դրութեամբ կազմել է 427 մլրդ 118 մլն
դրամ (մօտ 1 մլրդ 248,6 մլն ԱՄՆ դոլար) եւ նախորդ ամսուայ նկատմամբ
աճել` 53 մլրդ 55 մլն դրամով կամ 14,2%-ով:
ՀՀ Ազգային վիճակագրական ծառայութեանը ՀՀ Կենտրոնական բանկի
կողմից տրամադրուած նախնական տուեալներով, 2007թ.-ի դեկտեմբերի 31-ի
դրութեամբ ՀՀ-ում փողի զանգվածը կազմել է 691 մլրդ 343 մլն դրամ եւ
նախորդ ամսուայ նկատմամբ աճել 39 մլրդ 709 մլն դրամով կամ 6,1 %-ով:
Բանկերում բնակչութիւնից ներգրաւած աւանդների մնացորդը
2007թ.-ի դեկտեմբերի 31-ի դրութեամբ կազմել է 173 մլրդ 45 մլն դրամ
եւ նախորդ ամսուայ նկատմամբ աճել 10 մլրդ 519 մլն դրամով կամ
6,5%-ով, իսկ մէկ տարուայ ընթացքում` 51 մլրդ 124 մլն դրամով կամ
41,9%-ով: