ԲԱՂԴԱԴՈՒՄ ԱՄՆ-Ի ԴԵՍՊԱՆԸ ԻՐԱՔԻ ԿԱՌԱՎԱՐՈՒԹԻՒՆԻՑ ՊԱՀԱՆՋԵԼ Է
ՁԵՐԲԱԿԱԼԵԼ ՔՈՒՐԴ ԳՐՈՀԱՅԻՆՆԵՐԻՆ
26-10-2007 15:50:00 | | Միջազգային
ԲԱՂԴԱԴ, 26 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Բաղդադում ԱՄՆ-ի դեսպան
Ռայան Կրոկերը հոկտեմբերի 26-ին Իրաքի կառավարութիւնից պահանջել է
«արգելափակել լեռնային շրջանները եւ ձերբակալել այնտեղ թաքնվող
բոլոր քուրդ ապստամբներին»: Ըստ դիւանագէտի, իրաքեան
իշխանութիւնները պէտք է Անկարայի պահանջներին պատասխանեն Քրդական
բանուորական կուսակցութեան (PKK) զինյալների դէմ «գործուն
միջոցներով»:
Կրոկերը կոչ է արել նաեւ Իրաքի հիւսիսային քրդական ինքնավար
շրջանի վարչակազմին «ներկայացնել PKK անդամների ցուցակը, որոնք
թաքնվում են իրաքեան տարածքում»: Ամերիկացի դիւանագէտի
յայտարարութիւնը հնչել է այն բանից յետոյ, երբ Թուրքիայի վարչապետ
Թայիփ Էրդողանը կասկած էր յայտնել «սահմանամերձ տարածաշրջանում
իրադրութիւնը արագ եւ արմատապէս փոխելու Միացեալ Նահանգների
ընդունակության» առնչութեամբ: