ՀԱՅԱՍՏԱՆԻ ԲՆԱԿՉՈՒԹԵԱՆ 7-15%-Ը ՀՈԳԵԿԱՆ ԱՌՈՂՋՈՒԹԵԱՆ ՀԵՏ
ԿԱՊՈՒԱԾ ԽՆԴԻՐՆԵՐ ՈՒՆԻ
09-10-2007 20:00:00 | Հայաստան | Հասարակութիւն
ԵՐԵՎԱՆ, 9 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Հոկտեմբերի 10-ին նշւում
է Հոգեկան առողջութեան միջազգային օրը: Ինչպէս «ՆՈՅԵԱՆ ՏԱՊԱՆ»-ի
թղթակցին յայտնեց Մանկական հոգեբույժների եւ հոգեբանների
ընկերակցութեան նախագահ Մարուքե Եղյանը, Հայաստանի բնակչութեան
7-15%-ի մօտ լուրջ խնդիրներ են նկատւում հոգեկան առողջութեան հետ
կապուած: Ընկերութեան կենտրոնի տեղեկատուական բազայում ներկայումս
հաշւառուած են 3-21 տարեկան շուրջ 3000 հիւանդներ: Սակայն, ըստ
Մ.Եղյանի, հաշուարկային տուեալներով այդ թիւը հանրապետութիւնում մի
քանի տասնեակ անգամ աւելի է: Նա նշեց, որ երեխաների մօտ
արձանագրւում են ինչպէս հոգեկան հիւանդութեան առանձին տեսակներ,
այնպէս էլ վախի զգացում, տրամադրության անկում, վարքի զանազան
խանգարումներ:
Ըստ Մ.Եղյանի, հոգեկան առողջութեան հետ կապուած
հիւանդութիւնները հիմնականում բուժուող են. կան բուժման տարբեր
ձեւեր` հոգեթերապիա, դեղաբուժություն եւ այլն: Սակայն, նրա
դիտարկմամբ, հայ հասարակութիւնը այդքան էլ լուրջ չի վերաբերւում
հոգեկան առողջութեան պահպանման խնդրին:
Նշենք, որ Հայաստանում սուր հոգեկան խանգարումները բուժւում
են պետպատուէրի շրջանակում` դեղորայքի լրիւ ապահովմամբ: