ՀԱՅԱՍՏԱՆՈՒՄ ԱՊՐՈՒՄ Է 100 ՏԱՐԵԿԱՆ ԵՎ ԱՒԵԼԻ ԲԱՐՁՐ ՏԱՐԻՔԻ 312
ՄԱՐԴ
28-09-2007 15:15:00 | Հայաստան | Հասարակութիւն
ԵՐԵՎԱՆ, 28 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Հոկտեմբերի 1-ը
տարեցների միջազգային օրն է, որը նշւում է նաեւ Հայաստանում:
Ինչպէս «ՆՈՅԵԱՆ ՏԱՊԱՆ»-ի թղթակցին յայտնեց ՀՀ Աշխատանքի եւ
սոցիալական հարցերի նախարարութեան Հաշմանդամների եւ տարեցների
հիմնահարցերի վարչութեան պետ Ջեմմա Բաղդասարեանը, այդ օրը
հանրապետութիւնում գործող տուն-ինտերնատներում կանցկացուեն տօնական
միջոցառումներ, իսկ հոկտեմբերի 2-ին Առնօ Բաբաջանեանի
համերգասրահում տեղի կունենայ տօնական միջոցառում: Նա տեղեկացրեց,
որ հանրապետութիւնում գործում են 3 ոչ պետական եւ 4 պետական
տուն-ինտերնատներ, որտեղ ընդհանուր առմամբ ապրում են 1100
տարեցներ:
Ջ.Բաղդասարեանը նշեց, որ Հայաստանը դասւում է ծերացող
երկրների շարքին, քանի որ հանրապետութեան բնակչութեան 12,7%-ի կամ
մօտ 408 հազարի տարիքը 65-ից բարձր է: Իսկ 100 տարեկան եւ աւելի
բարձր տարիքի անձանց թիւը 312 է, նրանցից ամենատարեց երկուսը 112
տարեկան են: Ջ.Բաղդասարեանը նշեց, որ հանրապետութիւնում
ներկայումս բնակուող մօտ 35 հազար միայնակ տարեցներից 12,800 հազարը
չունեն ժառանգներ:
Վարչութեան պետի խօսքերով, նախարարութիւնը աշխատանքներ է
իրականացնում տուն-ինտերնատների կենցաղայինն պայմանները
բարելաւելու, տնային պայմաններում մատուցւող սոցիալական
ծառայություները ընդլայլնելու ուղղութեամբ: Նշուեց, որ Միայնակ
տարեցների եւ հաշմանդամների սոցիալական սպասարկման հանրապետական
կենտրոնը Երեւան քաղաքում տնային պայմաններում սպասարկում է 1200
միայնակ ծերերի եւ հաշմանդամների, որոնց թիւը 2008թ.-ին 300-ով
կաւելանա: