2008 ԹՈՒԱԿԱՆԻՆ ՀԱՅԱՍՏԱՆՈՒՄ ԿԱՆՑԿԱՑՈՒԵՆ ԻՐԱՆԻ ՄՇԱԿՈՅԹԻ ՕՐԵՐ
17-09-2007 14:14:00 | Հայաստան | Մշակոյթ
ԵՐԵՎԱՆ, 17 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: 2008 թուականին
նախատեսւում է Հայաստանում առաջին անգամ կառավարական մակարդակով
անցկացնել Իրանի մշակոյթի օրեր: Այս մասին «ՆՈՅԵԱՆ ՏԱՊԱՆ»-ի
թղթակցին յայտնեց ՀՀ մշակոյթի նախարար Յասմիկ Պողոսեանը:
Յասմիկ Պողոսեանի խօսքերով, այս պայմանավորվածությունը ձեռք է
բերուել սեպտեմբերի սկզբին, երբ հայկական պատուիրակութիւնը,
իրանական կողմի հրաւէրով, մասնակցել է Թեհրանում կայացած 120
չմիավորված երկրների նախաձեռնութեամբ անցկացուած Մարդու
իրաւունքներին եւ մշակոյթային բազմազանութեանը նուիրուած
խորհրդաժողովին: Խորհրդաժողովի աւարտին Թեհրանում հիմնադրուել է
Մշակոյթային բազմազանութեան կենտրոն:
Մշակոյթի նախարարը նշեց, որ Հայաստանում բազմիցս
կազամակերպվել են իրանական մշակոյթին նուիրուած միջոցառումներ,
սակայն պետական մակարդակով Իրանի մշակոյթի օրեր երբեւէ չեն
անցկացուել: «Ուստի Թեհրանում Իրանի մշակոյթի նախարարի հետ
պայմանաւորուեցինք կազամկերպել այդ անհրաժեշտ մշակոյթային
միջոցառումը»,- ասաց նա:
Նախարարի խօսքով, չնայած, որ այս տարի աւարտուել է Իրանի եւ
Հայաստանի միջեւ մշակոյթային համագործակցութեան պայմանագրի
ժամկէտը, սակայն հոկտեմբեր-նոյեմբեր ամիսներին սպասւում է
իրականական պատուիրակութեան այց Երեւան, որի ժամանակ
կստորագրուի նոր պայմանագիր, եւ կորոշուի Իրանի մշակոյթի օրերի
անցկացման յստակ ժամանակացոյցը: