ԲՐԻՏԱՆԱՑԻ ԶԻՆՎՈՐԱԿԱՆՆԵՐԻ ՌԵՍՈՒՐՍՆԵՐԸ ՍՊԱՌՄԱՆ ԵԶՐԻՆ ԵՆ
ԳՏՆՒՈՒՄ
23-07-2007 20:20:00 | | Միջազգային
ԼՈՆԴՈՆ, 23 ՅՈՒԼԻՍԻ, ՆՈՅԵԱՆ ՏԱՊԱՆ: Բրիտանական բանակի
հրամանատարը նախազգուշացրել է, որ զինվորականների ռեսուրսները
գտնւում են եզրագծին: Գաղտնի փաստաթղթում, որ յայտնուել է «Դեյլի
թելեգրաֆ» թերթի տրամադրության տակ, գեներալ Ռիչարդ Դաննաթը դրա
պատճառը տեսնում է Աֆղանստանի եւ Իրաքի գործողութիւններին
բրիտանական զինվորականների մասնակցութեան մէջ: Ըստ գեներալի,
զինվորականները գրեթէ ի վիճակի չեն արձագանքելու երկրի ներսում
իրադրութեան անսպասելի զարգացմանը կամ արտասահման արտակարգ
գործուղման անհրաժեշտութեանը: Պաշտպանութեան նախարարութեան
ներկայացուցիչը խօստովանել է, որ զորքերին հարկ է լինում աշխատել
միանգամից մի քանի ճակատով, սակայն միեւնոյն ժամանակ նա նշել է,
որ ներկայ վիճակը վերահսկողութիւնից դուրս է եկել:
Ըստ որոշ գնահատումների, զինվորականների տրամադրության տակ կայ
ընդամէնը մէկ գումարտակ` մօտաւորապէես 500 մարդով, Մեծ Բրիտանիայի
ներսում ահաբեկչական յարձակման դէպքում օգտագործելու կամ
արտասահման ուղարկելու համար: Բի-բի-սիի պաշտպանութեան հարցերով
թղթակիցը նշում է, որ այդ զեկոյցը եւս մի նախազգուշացում է
բրիտանական հրամանատարութեան կողմից, որ բանակը ի վիճակի չէ անորոշ
երկար ժամանակով պահպանել մարտական ակտիւութիւնը Իրաքում
եւ Աֆղանստանում: