Ս. ՅԱՐՈՒԹԻՒՆԵԱՆ. ԿԻՆՈՆ ԽԱՂԱՂՈՒԹԻՒՆ ԵՎ
ՀԱՆԴՈՒՐԺՈՂԱԿԱՆՈՒԹՅՈՒՆ ՏԱՐԱԾԵԼՈՒ ԱՄԵՆԱՀԶՕՐ «ԶԵՆՔՆ» Է
12-07-2007 20:35:00 | Հայաստան | Մշակոյթ
ԵՐԵՎԱՆ, 12 ՅՈՒԼԻՍԻ, ՆՈՅԵԱՆ ՏԱՊԱՆ: «Ոսկէ
ծիրան» միջազգային կինոփառատօնի շրջանակներում Երեւանում անցկացուած
«Տարածաշրջանային համատեղ կինոարտադրություն» ֆորումը յուլիսի
12-ին ամփոփեց արդիւնքները. Հյուբերտ Բալսի հիմնադրամի սահմանած
մրցանակին արժանացավ վրացի երիտասարդ ռեժիսոր Գէորգի Չալաուրիի
«Սուսա» կինոնկարը` ստանալով դիպլոմ եւ 5000 եւրօ դրամական պագեւ:
Ֆորումի երկրորդ մրցանակին արժանացավ հայաստանցի ռեժիսոր Վարդան
Յովհաննիսեանը` «Լարախաղացները» ֆիլմի համար: Մրացանակային 5000
եվրոն տրուեց Հայկական կինոկենտրոնի եւ Կինոյի զարգացման «Ոսկէ
ծիրան» հիմնադրամի կողմից:
Ինչպէս նշեց փառատոնի գեղարուեստական տնօրէն Սուսաննա
Յարութիւնեյանը, այս տարի ֆորումին մասնակցում էին ադրբեջանցի,
վրացի, թուրք, հայ, ռուս եւ այլ ազգեր ներկայացնող ռեժիսորների 30
ֆիլմեր: Հաձնաժողովը դրանցից ընտրել էր միայն 12-ը:
Ս.Յարութիւնեանի խօսքերով, ֆորումն անցկացւում է «Ռեժիսորներ
առանց սահմանների» եւրոպական ծրագրի շրջանակներում եւ նպատակ ունի
կինոարուեստի միջոցով աջակցել տարածաշրջանային համագործակցութեանն
ու խաղաղութեանը, քանի որ այսօր կինոն ամենալաւ «զենքն» է`
խաղաղութեան պայքարի ու հաստատման համար: Այս ծրագիրը հիմնադրուել է
պարսիկ ռեժիսոր Մոհսեն Մախմալբաֆի նախաձեռնութեամբ:
Ֆորումի մասնակիցների թւում են Պուսանի միջազգային
կինոփառատօնի նախագահ կիմ Դոնգ-Հոն, Հյուբերտ Բալսի հիմնադրամի
տնօրէն Բիանկա Տաալը, Եվրախորհրդի «Euroimages»-ի գործադիր
քարտուղար Յան Վանդիերենդոկը, Համաշխարհային կինոյի հիմնադրամի
տնօրէն Նիկոլայ Նիկիտինը, Սինե-Ռեջիոյի գլխաւոր քարտուղար Շարլոտ
Ափելգրեն եւ այլք: