ՍՅՈՒՆԻՔՈՒՄ ՎԹԱՐԻ ԵՆԹԱՐԿՎԱԾ ՈՒՂՂԱԹԻՌՈՒՄ ԵՆ ԳՏՆՈՒԵԼ ՀՀ
ԷՆԵՐԳԵՏԻԿԱՅԻ ՆԱԽԱՐԱՐԸ ԵՎ ՓՈԽՆԱԽԱՐԱՐԸ
11-06-2007 20:00:00 | Հայաստան | Հասարակութիւն
ՍԻՍԻԱՆ, 11 ՅՈՒՆԻՍԻ, ՆՈՅԵԱՆ ՏԱՊԱՆ: Յունիսի 9-ի ժամը 09:40-ին
ՀՀ Պաշտպանութեան նախարարութեանը պատկանող «ՄԻ-8» ուղղաթիռը,
Սիւնիքի մարզի տարածքում քաղաքացիական պատվեր կատարելու ժամանակ,
Սիսիան քաղաքից 12 կմ հիւսիս-արեւելք ընկած տարածքում կատարել է
հարկադիր վայրէջք եւ վայրեջքի պահին քամու պոռթքումից շրջվել է աջ
կողքի վրայ: Պատահարի հետեւանքով օդաչու, կապիտան Արտյոմ
Թրաբզանյանը (1977թ. ծնուած) ստացել է գանգուղեղի ու ձախ թոքի
վնասուածք եւ տեղափոխուել Երեւանի կենտրոնական հոսպիտալ:
Ուղեւորներից ՀՀ էներգետիկայի փոխնախարար, Արեգ Գալստեանը
(1956թ. ծնուած) ներքին որովայնային արյունահոսությամբ տեղափոխուել է
Սիսիանի հոսպիտալ, միւս ուղեւորները ստացել են թեթեւ քերծվածքներ:
Ինչպէս «ՆՈՅԵԱՆ ՏԱՊԱՆ»-ին յայտնեցին ՀՀ Տարածքային կառավարման
նախարարութեան Փրկարարական ծառայութիւնից, ուղղաթիռում է գտնուել
նաեւ ՀՀ էներգետիկայի նախարար Արմէն Մովսիսեանը, որը վնասուածքներ
չի ստացել:
Ըստ բժիշկների` Ա.Գալստեանի եւ Ա.Թրաբզանյանի վիճակը միջին
ծանրութեան է: